“PSJ” klubi va Shvetsiya terma jamoasi hujumchisi Zlatan Ibragimovich o'z faoliyatini London shahrida davom ettirish istagini bildirdi. Bu haqida The Telegraph xabar bermoqda. 34 yoshli futbolchi Premer-ligadagi London klublaridan birida faoliyatini davom ettirmoqchi. Biroq uning qaysi jamoani tanlagani hozircha noma'lum. Avvalroq, “Chelsi” jamoasi unga qiziqish bildirayotgani va unga yiliga 12,5 mln evrolik shartnoma taklif qilgani haqida xabarlar tarqalgan edi. Shuningdek, uning xizmatlariga “Arsenal” ham qiziqmoqda. Bundan tashqari, “MYu”, “Milan” va MLS ligasining bir qancha jamoalari shvetsiyalik hujumchi uchun kurashmoqda. Joriy mavsumda Zlatan Frantsiya chempionatining 24 o'yinida maydonga tushib, 27 ta gol va 11 ta golli uzatmaga mualliflik qilgan. 
— deya xabar beradi uff.uz nashri.