UEFA ahloqiy qo'mitasi Angliyaning ikki jamoasi — “Manchester Yunayted” va “Liverpul”ga qarshi ish ochdi. Ular o'zaro Evropa ligasi 1/8 finalida to'qnash kelishgan. Uchrashuvda durang (1:1) qayd etilgan, buning natijasida “Liverpul” jamoasi chorakfinalga yo'llanma oldi. UEFA “Manchester Yunayted” jamoasiga muxlislar keltirib chiqargan ommaviy tartibbuzarliklar va maydonga otilgan predmetlar bo'yicha e'tiroz bildirdi, “Liverpul” jamoasiga esa muxlislar tomonidan man etilgan qo'shiqlar kuylangani, maydonga otilgan predmetlar, pirotexnika vositalari qo'llangani va ommaviy tartibbuzarliklar bo'lgani uchun e'tiroz bildirildi. Bu to'g'risida UEFA rasmiy saytida xabar berildi.
— deya xabar beradi uff.uz nashri.