“Manchester Yunayted” jamoasi sobiq yarim himoyachisi Rayan Giggz o'z o'g'lini kuchli futbolchi bo'lganiga ishontira olmayapti. “O'g'lim mening o'yinlarimni ko'rmaganidan afsusdaman. O'g'lim meni “MYu”da shunchaki bir necha yil to'p surgan, deb o'ylaydi. Uning eng yoqtirgan futbolchisi Neymar. Keyin esa Ronaldu va Messi. Men erishgan yutuq va natijalarim borasida hech qachon ko'pirtirib gapirmaganman. Ammo o'g'limga: “Men Messidan tezroq bo'lganman” deyishga to'g'ri keldi. O'g'lim esa: “Hatto men sizdan tezroqman” dedi. O'g'limga gol urgan vaziyatlarimdan birini ko'rsatdik. U o'rnidan turib xonadan chiqib ketdi”, – deydi 42 yoshli uelslik sobiq futbolchi. Ma'lumot uchun, "MYu" afsonasining o'g'li Zaxari Jozef Giggz 2006 yil, 1 oktyabrda tavallud topgan. 
— deya xabar beradi uff.uz nashri.