«Chelsi» klubi bosh murabbiyi Gus Xiddinkning aytishicha, hujumchi Radamel Falkao terma jamoa o'yinlari o'tgach, safga qaytadi.
«Falkaoda juda og'ir vaziyat, uni jarohatlar bezovta qilmoqda. U jarohatdan jismonan qutildi, hozir formasini tiklash bilan band. U so'nggi 10 kun davomida jamoa bilan birga shug'ullandi. Terma jamoa o'yinlari munosabati bilan bo'ladigan tanaffusdan so'ng u safga qaytadi va asosiy tarkibdagi o'rni uchun kurasha oladi. Bizdan talab qilinadigani — kutish va uning holatini kuzatish.
«Chelsi» to'rtinchi o'rinni egallashi qiyin. Biz Angliya kubogi va Chempionlar ligasidan chiqib ketdik va endi yosh futbolchilaro'yin amaliyotiga ega bo'lishadi. Men hech narsaga kafolat bermayman, biroq ular nimaga qodir ekanini isbotlashi talab etiladi», — Xiddinkning so'zlaridan iqtibos keltiradi, «Chelsi» rasmiy sayti.
— deya xabar beradi uff.uz nashri.