Avval xabar berganimizdek, O'zbekiston milliy terma jamoasi 17 martdan boshlab, Toshkentda o'quv-mashg'ulot yig'inini o'tkazmoqda.
Samvel Babayan boshchiligidagi jamoa mashg'ulotlarni “Jar” stadionida olib boryapti. Jahon chempionati-2018 ikkinchi saralash bosqichi doirasidagi so'nggi ikki o'yinga tayyorgarlik ko'rish maqcadida shtkazilayotgan yi-inga jalb etilgan futbolchilar ro'yxati O'FF rasmiy sayti orqali avvalroq ma'lum qilingan edi.
Ushbu futbolchilar ro'yxatiga kiritilgan terma jamoaning ikki nafar a'zosi – “Bunyodkor”ning hujumkor yarim himoyachisi Doston Hamdamov hamda “Paxtakor” klubi a'zosi Jaloliddin Masharipov salomatligi borasidagi muammolari sabab terma jamoa lagerini tark etdi. Hamdamov davolanish kurslariga ehtiyoji bor bo'lgani sabab terma jamoa bilan mashg'ulotlarni to'xtatishiga to'g'ri keldi av uning o'rniga “Bunyodkor”ning boiqa bir futbolchisi – Akrom Komilov mamlakat asosiy jamoasi mashg'ulotlariga jalb etildi.
Jamoliddin Masharipovni bo'lsa O'zbekiston terma jamoasining mashg'ulotlari davomida jarohti bezovta qildi va unga ham murabbiylar shtabi davolanish uchun javob berishdi.
Eslatib o'tamiz, O'zbekiston milliy terma jamoasi Jahon chempionati-2018 ikkinchi saralash bosqichi doirasidagi navbatdagi o'yinni 24 mart kuni “Bunyodkor” stadionida Filippin terma jamoasiga qarshi o'tkazadi. 29 mart kuni esa aynan shu o'yingohda Bahraynga qarshi maydonga tushadi. Har ikki o'yin ham soat 18:00da boshlanadi.
— deya xabar beradi uff.uz nashri.