«Liverpul» va Angliya terma jamoasi sobiq hujumchisi Emil Xeski bir necha yil muqaddam «Lester» klubi uchun 100  ming funt sterling xayriya qilganini tan oldi. Eslatib o'tamiz, Xeski faoliyatini aynan «Lester»da boshlagan va 2000 yilda «Liverpul»ga o'tgan edi.
- «Lester» bo'lmaganida men nimaga erisha olgan bo'lardim? Men bu klubga yosh bola vaqtimda kelgan edim va undan juda qarzdorman.
Keyinchalik klub qiyinchilikka duch kelganida esa, yordam berishim zarurligini tushunib etdim. Men bu pullarni mutlaqo xolis niyatda berganman va qaytib olish niyatim bo'lmagan. Chunki o'sha vaqtda klub juda og'ir iqtisodiy sharoitda turgan edi.
Men uchun qadrdon klubni bunday holatda ko'rish juda og'ir bo'lgandi, - deydi Xeski.
Eslatib o'tamiz, ayni vaqtda «Lester» Angliya chempionatida birinchi o'rinda bormoqda va eng yaqin ta'qibchisini besh ochko ortda qoldirgan.
— deya xabar beradi uff.uz nashri.