«Chelsi» bosh murabbiyi Gus Xiddink hujumchi Diego Kosta qanday uslubda o'ynash kerakligini maslahat berganini aytib o'tdi.
- Diego taktik jihatdan qanotlarga o'tib ketayotgandek ko'rindi. U har doim o'ng yoki chapga o'tar edi. Keyin esa markazga qaytardi va 40 metr ortiqcha yugurardi. Bizda shusiz ham bu ishni bajaradigan ijodkor futbolchilar etarli.
Bir vaqtlar «Chelsi»ni boshqarganimda Dide Drogba ham shunday o'yin namoyish etar edi. U ham ideal futbolchi edi, ammo yarim himoyaga qaytib, pas oshirib, keyin yana jarima maydonchasiga qaytardi va zarba yo'llardi. Ammo o'sha vaqtlarda ham jamoada Frenk Lempard va Maykl Essendek futbolchilar bor edi.
Aynan mana shunday vaziyatda futbolchilardan imkon qadar yaxshiroq foydalanishga harakat qilasan. Menimcha Diego o'ziga yuklatilishi kerak bo'lmagan juda ko'p ortiqcha ishlarni bajarar edi. Men unga harakatlarini cheklashni va bor e'tiborni hujumga qaratishni aytdim, - deydi Xiddink.
— deya xabar beradi uff.uz nashri.