«Sanderlend» bosh murabbiyi Sem Ellardays Angliya chempionati 31-turida «Nyukasl»ga qarshi kechadigan o'yin oldidan raqib jamoa bosh murabbiyi Rafael Benites haqida fikr bildirdi.
- Rafa bilan o'rtamizdagi munosabatlardagi keskinlik ortiq yo'q. Ilgari biz dahanaki jang olib borishni yaxshi ko'rardik, ammo bu endi o'tmishda qolgan.
Shundan buyon juda ko'p vaqt o'tdi va munosabatlarimiz izga tushib ketdi. Bizni muhim o'yin kutib turibdi, ammo Rafa bilan faqat va faqat futbolchilarni bu o'yinga tayyorlash borasida bosh qotirmoqdamiz, - deydi Ellardays.
Eslatib o'tamiz, ayni vaqtda «Nyukasl» 24 ochko bilan Angliya chempionatida 19-o'rinda bormoqda, «Sanderlend» esa 25 ochko bilan 17-o'rindan joy olgan. Har ikki jamoaning hisobida ham bittadan zaxira o'yin bor.
— deya xabar beradi uff.uz nashri.