FIFA tashkiloti braziliyalik hujumchi Neymarning "Santos"dan "Barselona" klubiga transfer qilinishi borasida tekshiruv o'tkazishga qaror qildi. Kataloniyaliklar soliqlardan qochish uchun futbolchining narxini kamaytirib ko'rsatishda gumonlanishmoqda. "Santos" esa tekshiruv o'tkazilishiga qarshi chiqyapti. Avvalroq, Braziliya matbuoti "Santos" klubi vakillari mazkur ish bo'yicha Neymarni yarim yilga diskvalifikatsiya qilinishini so'rab FIFAga xat yuborishganini ma'lum qilishgandi. Ammo keyinroq "Santos" rahbariyati bu xabarni inkor qilib chiqdi. Futbolchining o'zi esa izoh berishdan bosh tortmoqda.
— deya xabar beradi uff.uz nashri.