Ispaniyalik taniqli jurnalist Gilem Balage «Barselona» klubi yaqin vaqtlar ichida iqtisodiy qiyinchiliklarga duch kelishi mumkinligini aytib o'tdi.
- «Kamp Nou»ni ta'mirlash uchun 600 million evro kerak. Bu mablag'dan 200 millioni qarzga olinishi rejalashtirilmoqda. O'zi shundoq ham «Barselona»ning hozirgi qarzi 350 million evro. Bu juda ko'p.
Klub hozir Rakitich, Buskets, Messi, Neymar va Suares bilan yangi shartnoma imzolashni rejalashtirmoqda. Ammo bir futbolchining maoshi oshirilishi natijasida qolgan 24 futbolchi ham yaxshiroq daromad qilishni istab qolishi turgan gap. Bu esa «Barselona»ga og'irlik qiladi.
Boz ustiga klub kelasi yil titul homiysisiz qolishi mumkin. Qatar «Barselona» bilan hamkorlik qilishni istamasligini ma'lum qilmoqda. Ammo kataloniyaliklar hozircha qatarliklar bilan kelishib olishdan umidvor, - deydi Balage.
— deya xabar beradi uff.uz nashri.