“Manchester Yunayted” jamoasi bosh murabbiyi Lui van Gal “Manchester Siti”ga qarshi 31-tur markaziy o'yini oldidan o'z fikrlarini aytib o'tdi. “Hozir biz to'rtinchi o'rinda borayotgan jamoadan 4 ochkoga ortda boryapmiz. Shu sababli, biz g'alaba qozonishimiz kerak, aks holda, oradagi farq yanada ortada. Agar mag'lub bo'lsak, etti ochkoga ortda qolib ketamiz. Oldimizda nafaqat “Manchester Siti”, balki “Vest Xem” ham bor”, – deydi gollandiyalik murabbiy. Eslatib o'tamiz, “Manchester Yunayted” 47 ochko bilan turnir jadvalining oltinchi pog'onasida bormoqda. 49 ochko to'plagan “Vest Xem” 5, 51 ochko jamg'argan “shaharliklar” esa to'rtinchi o'rinda boryapti. 
— deya xabar beradi uff.uz nashri.