Angliya chempionatining 31-turidan o'rin olgan “Chelsi” – “Vest Xem” uchrashuvi o'z poyoniga etdi. Ushbu o'yinda 2:2 hisobidangi durang qayd etildi. O'yinning 17 daqiqasida Manuel Lansini uzoq masofadan zarba yo'llab, Tibo Kurtua qo'riqlayotgan darvozasi aniq nishonga oldi. Bo'lim yakunida Sesk Fabregas jarima zarbasini bexato bajarib, muvozanatni tikladi. Ikkinchi bo'limda “Vest Xem” ancha hujumkor o'yin namoyish qildi. 60 daqiqada zaxiradan maydonga tushgan Endi Kerroll, 62 daqiqada gol kiritib “bolg'achilar”ni oldinga olib chiqdi. 89 daqiqada yana Fabregas katta sahnaga chiqdi. U penaltini bexato bajarib, hisobni tenglashtirdi – 2:2. Shundan so'ng boshqa gollar kiritilmadi va jamoalar jangovar durang qayd etdi. Angliya chempionati, 31-tur Chelsi – Vest Xem – 2:2
Gollar: Fabregas (45, 89) – Lansini (17), Kerrol (62)
Ogohlantirishlar: Ivanovich (16), Fabregas (90), Villian (90) – Rid (45), Ogbonna (45), Kuyate (64), Adrian (89).
Chelsi: Kurtua, Terri, Aspilikueta, Ivanovich, Keyxill, Villian, Obi Mikel, Fabregas, Oskar, Remi, Kenedi (Pedro, 46).
Vest Xem: Adrian, Ogbonna, Rid, Kressuell, Kuyate, Antonio, Lansini, Nobl, Paye, Sako (Kerroll), Valensiya.
— deya xabar beradi uff.uz nashri.