“Chelsi” klubi sobiq bosh murabbiyi Joze Mourino “Manchester Yunayted” jamoasi bilan dastlabki shartnoma imzoladi. El Pais nashrining ma'lumotiga ko'ra, kelishuv shartlariga ko'ra, agar bitim shu yilning 1 mayiga qadar imzolanmasa, ingliz klubi portugaliyalik mutaxassisga 5 million funt (6,5 million evro) jarima puli to'lashga majbur bo'ladi. Agar kelishuv 1 iyunga qadar imzolanmasa, Mourino “MYu”dan yana 10 million funt (13 million evro) oladi. Agar murabbiy shartnoma imzolash fikridan qaytsa klub jarima puli undirish huquqiga ega. Aytish joizki, 29 turdan so'ng “MYu” Lui van Gal qo'l ostida APLda 6-o'rinni egallab turibdi.
— deya xabar beradi uff.uz nashri.