O'zbekiston kubogi 1/16 finalidan o'rin olgan "Tsementchi" - "Navbahor" uchrashuvidan so'ng har ikki jamoa bosh murabbiylari uchrashuv borasida o'z fikrlarini bildirishdi. Rashid G'ofurov (“Navbahor”): - Uchrashuv qiyin kechishi oldindan ayon edi. Shunga yarasha tayyorgarlik ko'rgandik. Raqib birinchi liga vakili bo'lishini axamiyati yo'q edi. Ikkita mag'lubiyatdan so'ng futbolchilarda biroz ruhan tayyorlash qiyin bo'ldi. Yigitlar yutarmikinmiz degan hayolda yurishgandi. Aynan bugungi g'alaba orqali kubokning keyingi bosqichi va chempionat uchinchi turiga tayyorgarlik kuchayishi mumkinligini futbolchilarga tushintirdik. O'yin biz o'ylagandan ham qiyinroq bo'ldi. Boisi “Tsementchi” Birinchi liga vakili va mag'lub bo'lgan taqdirda ham yo'qotadigan hech narsasi yo'q edi. Ulardan buning uchun hech kim xafa bo'lmaydi. “Navbahor” uchun ortga yo'l yo'q edi. Agar imkoniyatni boy berganimizda mag'lubiyat og'ir botardi. O'yinchilarga to'xtaladigan bo'lsam, jaroxatlanganlarni inobatga olmaganda, qolgan futbolchilarning harakatlaridan qoniqdim. Keyingi o'yingacha Pishur jaroxatidan forig' bo'lsa, undan foydalanamiz. Pavlenko bugun yomon taassurot qoldrimadi. U asosan maydonda “qora ishlar”ni bajardi. Uni tekisroq maydonda Oliy liga klubi bilan bo'lgan o'yinda sinab ko'rgach bir xulosaga kelish mumkin. O'z o'rnida u yomon o'yin ko'rsatmadi. Abdumalik Hakimov (“Tsementchi”): - Uchrashuvdan oldin tomoshabop o'yin bo'ladi deb aytgandim. Bu fikrim o'zini oqladi. Baribir o'z yigitlarimga ishonaman. "Navbahor"da o'yin amaliyoti ko'proq ekani ularga yordam berdi, omad namanganliklar tomonida bo'ldi. Hisob jixatidan yutqazgan bo'lsak ham, jamoam o'yinidan qoniqish xosil qildim. Keyingi bellashuvlarda muxlislarni xursand qilishga harakat qilamiz. “Navbahor”ga navbatdagi uchrashuvlarda omad tilayman.
— deya xabar beradi uff.uz nashri.