“Everton” jamoasi himoyachisi Sheymus Koulmen jarohatidan to'liq forig' bo'lgan va “Manchester Yunayted”ga qarshi Angliya chempionatining 9-tur uchrashuvida ishtirok eta oladi. Irlandiyalik futbolchi sonidan jarohat olgani tufayli mersisaydliklarning so'nggi to'rt uchrashuvini o'tkazib yubordi. “Jarohatimdan to'liq forig' bo'lganim quvonchli voqea. Men Irlandiya termasi safida 90 daqiqa o'ynadim va “Manchester Yunayted”ga qarshi o'yinda maydonga tushaman degan umiddaman. Marsyal va Depay – evropalik iste'dodolarning yangi vakillari. Marsyal boshidanoq ajoyib o'ynay boshladi, Depay ham xavfli o'yinchi. Bor e'tiborni bir joyga jamlab, Ueyn Runi bilan birgalikda ularni o'z darvozamiz yaqiniga yo'latmaslikka astoydil harakat qilishimiz kerak”, – dedi Koulmen.
— deya xabar beradi uff.uz nashri.