"Sassuolo" klubi hujumchisi Domeniko Berardi faoliyatini Angliyada davom ettirishi mumkin. Sport Mediaset nashrining ma'lumotiga ko'ra, 21 yoshli italiyalik hujumchining xizmatlariga "Tottenxem" jamoasi rahbariyati jiddiy tarzda qiziqish bildirishmoqda. Ta'kidlanishicha, o'yinchi uchun kurashda londonliklar "Yuventus" hamda "Inter" klublari bilan raqobatchilik qilishlariga to'g'ri keladi. Joriy mavsumda Berardi barcha musobaqalarda 23 marta maydonga tushib, 6ta gol hamda 4ta golli uzatmaga mualliflik qilgan.
— deya xabar beradi uff.uz nashri.