Bugun bo'lib o'tgan O'zbekiston kubogining 1/16 final bosqich uchrashuvidan so'ng matbuot anjumanining birinchi qismida "Mash'al-2" jamoasi bosh murabbiyi Mikola Lapa ishtirok etdi va savollarga javob qaytardi. "Penaltilar seriyasida mag'lub bo'lish alamli. Haqiqiy kubok o'yini bo'ldi. Qo'shimcha vaqtlar, kartochkalar va penaltilar seriyasi...Bahs barchaga yoqdi deb o'ylayman. Shogirdlarim oxirigacha kurashishdi. Penaltilar bu lotoreya, bu erda kimdir omad kulib boqishi kerak. Asosiy jamoamiz keyingi bosqchiga chiqqani bilan tabriklayman", - deydi Mikola Lapa. Matbuot anjumanining ikkinchi qismida asosiy jamoamiz bosh murabbiyi Aleksandr Xomyakov ishtirok etdi va fikrlarini bildirib o'tdi. "Raqib jamoasining o'yini menga yoqdi. Yoshlar o'zlarini ko'rsatishga harakat qilishdi. Akademiya tarbiyalanuvchilarining o'yini menda iliq taassurot qoldirdi. Asosiy jamoaga kelsak o'ylaydigan holatlar ko'p. Ishlashda davom etamiz", - deydi Aleksandr Xomyakov.
— deya xabar beradi uff.uz nashri.