“Manchester Siti” jamoasi darvozaboni Jo Xart “Manchester Yunayted”ga qarshi davom etayotgan Angliya chempionati 31-turida jarohat oldi. Angliyalik posbon jamoadoshi Martin Demikelisning xatosini to'g'irlash maqsadida to'pni tepib yubordi va uning oyog'i biroz qayrilib ketdi. Ushbu voqea o'yinning 50 daqiqasida yuz berdi. Xart o'yinni davom ettira olmadi va uning o'rniga Vilfredo Kabalero maydonga tushdi. Dastlabki ma'lumotlarga ko'ra, Jo Xart ikrasimon mushaklarini shikastlagan. U katta ehtimol bilan Angliya termasining o'rtoqlik o'yinlarini o'tkazib yuboradi.  Eslatib o'tamiz, hozircha “Manchester Yunayted” 1:0 hisobida g'alaba qozonmoqda. 
— deya xabar beradi uff.uz nashri.