«Napoli» hujumchisi Gonsalo Iguain Italiya chempionati 30-turida «Jenoa»ga qarshi kechgan bahsda ikkita gol urib, jamoasining 3:1 hisobidagi g'alabasiga hissa qo'shdi.
Shu tariqa argentinalik hujumchi joriy mavsum Italiya A seriyasining 30 o'yinida 29 ta gol urishga muvaffaq bo'ldi. Ayni vaqtda 28 yoshli hujumchi Evropaning kuchli beshlik chempionatlarida birinchi o'rinda bormoqda.
Iguaindan tashqari kuchli beshlik chempionatlarida etakchi bo'lishga Zlatan Ibrahimovich («PSJ», 27 gol), Krishtianu Ronaldu («Real», 27 gol) va Luis Suares («Barselona», 26 gol) da'vogarlik qilib turibdi.
Eslatib o'tamiz, so'nggi 56 yilda Italiya chempionatida faqat bir futbolchi mavsum davomida 30 tadan ko'p gol urishga muvaffaq bo'lgan. Luka Toni 2005/06 yilgi mavsumda 31 ta gol kiritgan edi.
— deya xabar beradi uff.uz nashri.