O'zbekiston milliy terma jamoasi himoyachisi Vitaliy Denisov JCh-2018 saralashi doirasida Filippin va Bahreynga qarshi kechadigan o'yinlar oldidan fikrlarini bildirib o'tdi.
- Munosib raqiblarga qarshi o'yin bo'ladi. O'zbekiston terma jamoasi bu o'yinlar oldidan qay darajada ishonchli ko'rinmoqda?
- Murabbiy almashgach oxirgi o'yinlarda g'alabaga erishib kelmoqdamiz. Eng omadsiz o'yin Yamanga qarshi kechgandi va biz o'z maydonimizda 1:0 hisobida g'alaba qozondik. Ammo bu o'yin yangi bosh murabbiy boshqaruvidagi ilk o'yin edi va biz ancha xotirjamlik bilan g'alabaga erishgandik. Umid qilamanki keyingi o'yinlarda ham mana shunday xotirjamlik bilan g'alabaga erishamiz.
- Terma jamoa va klub bir-biridan farq qiladimi?
- Albatta farq qiladi. Terma jamoa va klub - mutlaqo bir-biriga mos kelmaydigan narsalar. Termada ko'pi bilan ikki, uch hafta o'ynash mumkin. Bu juda qisqa muddat va unga tayyor bo'lish kerak. Termada natija, o'zaro tushunish va o'yin sifatini yaxshilash uchun har doim ham etarlicha vaqtga ega bo'la olmaysan. Bu erda har doim jamoadoshlaring bilan elkama-elka turishing shart.
- Termadagi qaysi hamkoringizga o'zingizga ishongandek ishona olasiz?
- Men har bir jamoadoshimga o'zimga ishongandek ishona olaman. Ishonchim komilki, men o'yinga qay darajada jonimni bersam, jamoadoshim ham shu ishni qiladi.
— deya xabar beradi uff.uz nashri.