Oldinroq ayni paytda faoliyatini davom ettirayotgan futbolchilar orasida eng ko'p gol urganlari haqida ma'lumot berib o'tgan edik. Bu safar futbol tarixidagi eng sermahsul hujumchilar TOP-10 ligi haqida to'xtalib o'tamiz.
10. Jimmi Grivz. 663 o'yin - 468 gol
Angliya chempionatida eng ko'p gol urgan futbolchi sifatida tarix sahifalaridan o'rin olgan Grivz 1957-1971 yillar davomida “Chelsi”, “Tottenxem”, Vest Xem”, “Milan” klublari va Angliya terma jamoasi uchun 468 golga mualliflik qilgan. Jimmi Angliya chempionatida 6 marta to'purar bo'lgan holda, bu borada ham mutloq rekord o'rnatgan.
9. Lionel Messi. 623 o'yin – 497 gol
5 karra “Oltin to'p” sohining urgan gollari soni ham 500 taga etib qoldi. Leo “Barselona” uchun 448 gol urib, jamoa tarixidagi eng sermahsul futbolchi bo'lib turibdi. Argentinalik hujumchi 2004 yildan buyon 27 shaxsiy, 97 ta shaxsiy mukofotlarga ega chiqqan. Shuningdek uning hisobida 36 ta rekord ham bor!
8. Alfredo di Stefano. 696 o'yin – 513 gol
“Real Madrid” afsonasi Di Stefano faoliyati davomida 500 dan ortiq gollarga mualliflik qilgan. Alfredo Madrid jamoasidagi 11 yillik faoliyati davomida 307 gol urib, jamoa bilan 8 karra Ispaniya chempioni bo'lgan va 5 bora Chempionlar kubogida muvaffaqiyat qozongan. Afsuski ikki karra “Oltin to'p” sohibi va La Liganing 5 karra eng yaxshi to'purariga jahon chempionatida ishtirok etish bahti nasib etmagan.
7. Ugo Sanches. 881 o'yin – 516 gol
Meksikalik futbolchi Madridning ikki jamoasi “Atletiko” va “Real”dagi o'yinlari bilan nom qozongan. Sanches faoliyati davomida 500 dan ortiq gol urgan. Ana shu gollarning 208 tasini u “Real” libosida nishonlagan. Ugoning kollektsiyasida 20 ta jamoaviy va 14 ta shaxsiy yutuqlar mavjud. U Shimoliy va Markaziy Amerikaning XX asrdagi eng yaxshi futbolchisi, Meksikaning XX asrdagi eng yaxshi futbolchisi va sportchisi sifatida ham e'tirof etilgan.
Davomi Furqat Yusupov blogida.
— deya xabar beradi uff.uz nashri.