Farg'onaning “Neftchi” jamoasi O'zbekiston Kubogi-2016ning 1/16 bosqichida Samarqandning “Dinamo” jamoasini engdi.
O'zbekiston Kubogining 1/16 bosqichida Farg'onaning “Neftchi” jamoasi Oliy liganing o'tgan yilgi ishtirokchisi “Dinamo” klubiga ro'baro keldi. Samarqand shahrida bo'lib o'tgan bellashuvda farg'onalik futbolchilar kichik hisobda zafar quchishdi va nimchorak finalga yo'llanma olishdi.
Shu kuni “Neftchi” ustozi Andrey Fyodorov darvozabon O'tkir Yusupovni asosiy tarkibda maydonga tushirdi va Yusupov mazkur bahsda o'zining debyut o'yinini o'tkazdi. Hujum chizig'ida esa asosiy tarkibda Otabek Isroilov harakat qildi. Bevosita o'yinga to'xtalidigan bo'lsak, ilk daqiqalarda “Neftchi” jamoasi mehmonlarga ochiq futbol namoyish etdi va kichik ustunlikka ega bo'ldi. Samarqandliklar esa asosan qarshi hujumlarda o'z omadini qidirishdi.
Lekin birinchi bo'limda hisob ochilmadi. Ikkinchi bo'limda Fyodorov “Neftchi”ning hujumkorligini oshirish maqsadida tarkibda bir qator o'zgarishlarni amalga oshirdi. Xususan Sardor Eminov hamda Murod Bobojonovlarning bahsga kirishishi o'yinga yangi “qon” berdi. 49-daqiqada hisob ochildi. “Dinamo” jarima maydonchasi ichidagi himoyachilarning xatosidan Dilyor Irmatov unumli foydalandi va o'yinda hisobni ochishga muvaffaq bo'ldi. O'z tarkibida asosan maxalliy yoshlarni jamlagan mehmonlar ikkinchi taymda qarshi hujumkorlikni oshirishiga harakat qilishdi va Yusupov darvozasi yaqinida bir qator xavfli vaziyatlarni amalga oshirishdi. Biroq bellashuv oxiriga qadar o'yinda boshqa to'p kiritilmadi. 0:1, “Neftchi” safarda “Dinamo” ustidan g'alabaga erishdi.
O'zbekiston Kubogi. 1/16 final.
Samarqand, “Dinamo” stadioni.
«Dinamo»– «Neftchi» (0:0) 0:1
Gol: 49 Dilyor Irmatov.
"Dinamo": Mixail Naumov, Akmal Bozorov, Alisher Xoliqov, Laziz Nuriddinov, Jasur Azimov, Islom Sharipov, Azamat Bobojonov, Omad Toyloqov, Bunyod Isroilov, Mirkomil Lokaev, Komil Sharofutdinov.
Zaxira: Shuhrat Murodov, Rustam Toshturdiev, Amirjon Safarov.
"Neftchi": O'tkir Yusupov, Shukurali Po'latov, Umid Qodirov, Abbos Maxstaliev, Ilhom Boydadaev, Javohir Rasulov, Dilyorbek Ermatov, Muhsinjon Ubaydullaev, Alisher Samatov, Otabek Isroilov, Jahongir Mehmonov.
Zaxira: Abdumavlon Abdujalilov, Sardor Qulmatov, Sherzod Hakimov, Murod Bobojonov, Husniddin G'ofurov, Abdurahmon Abdulhaqov, Sardor Eminov.
Mazkur natijadan “Neftchi” jamoasi O'zbekiston Kubogining 1/8 bosqichiga yo'l oldi. Endi farg'onaliklar 26 mart kuni Qarshining “Nasaf” jamoasini o'z maydonlarida qabul qilishadi.
O'zbekiston Kubogining 1/16 bosqichidagi “Dinamo” – “Neftchi” o'yinidan so'ng mehmonlar vakili Dilyor Irmatov o'yin haqida fikr bildirdi.
"Qiziqarli o'yin bo'ldi va g'alaba qozonganimizdan xursandman.O'zbekiston Kubogini yutgan jamoa OChLda o'ynash imkoniga ega bo'ladi. Shuning uchun biz kubok bahslariga jiddiy kirishganmiz. “Neftchi” jamoasining maqsadi OChLga chiqish", - dedi Irmatov.
O'zbekiston Kubogining 1/16 bosqichidagi “Dinamo” – “Neftchi” o'yinidan so'ng mehmonlar vakili Abbos Maxstaliev o'yin haqida fikr bildirdi.
Samarqand klubi garchi birinchi liga klubi maqomi ostida bo'lsada, bugun bizga jiddiy qarshilik ko'rsatishlarini kutgandik. O'yin startida biroz o'yinimiz qovushmadi ? Ochig'i, birinchi o'rinda gol o'tkazib yubormaslikka harakat qildik. Shundan so'ng sekik-asta o'yinni qo'lga olib va bahsda ustunlikka erishdik. O'tgan yili “Oq-tepa” jamoasidan mag'lubiyatga uchrashimiz bizga yaxshigina saqob bo'lgandi. Shuning uchun “Dinamo”ga qarshi o'yinda jiddiy tayyorlandik.
Raqib haqida qanday fikrdasiz ?
To'g'risi Samarqandning “Dinamo” jamoasi nima uchun birinchi ligaga tushib ketganini tushunmadim. Chunki Samarqandda futbol bilan shug'ullanish uchun ajobiy sharoitlar borligini ko'rdik. Uy stadioni ham ko'rkam. “Dinamo” jamoasiga keyingi o'yinlar omad tilab qolaman. O'ylaymanki, samarqandliklar bu yil Oliy ligaga qaytib, yangi mavsumda o'zlarini yana ko'rsatishadi, - dedi Abbos Maxstaliev. Hojiakbar JABBOROV yozib oldi “Neftchi” matbuot xizmati
— deya xabar beradi uff.uz nashri.