“Liverpul”ning sobiq va ayni damda “Los-Anjeles Gelaksi” jamoasi yarim himoyachisi Stiven Jerrard sobiq jamoadoshi Jeymi Karrager bilan hamkorlikda Mersisayd klubini boshqarish istagi bor ekanini aytib o'tdi. “Karrager bilan birga ishlash? Bu haqda ko'p o'ylaganman. U ko'p vaqtini ishiga sarflaydi, chunki u futbolni yaxshi ko'radi. Karrager bilan birgalikda “Liverpul”da ishlashimizga ishonaman. Ammo bu qachon ro'y berishi hozircha qorong'u. Futbolchilik faoliyatimnm yakunlab, murabbiy bo'lib ishlashga tayyor bo'laman, agar menga takliflar kelsa va bunga loyiq leb topishsa. Jismoniy tomondan yana bir mavsum MLSda to'p surishga tayyorman. AQShda mavsum noyabrda yakuniga etadi. Shundan so'ng takliflar qabul qilishga tayyor bo'laman”, – deydi Jerrard. 
— deya xabar beradi uff.uz nashri.