Shvetsiya terma jamoasi hujumchisi Zlatan Ibrohimovich Turkiya terma jamoasi bilan o'tkaziladigan o'rtoqlik uchrashuvida maydonga tushmaydi. Shvedlar bosh murabbiyi Erik Xamrenning aytishicha, u Zlatanga dam bermoqchi. “Men Ibrohimovichning sport formasini Evro-2016 musobaqalarigacha saqlab qolishni istayman. Uning “PSJ”dagi o'yin vaqtiga men ta'sir ko'rsata olmayman. Shuning uchun Turkiya bilan bo'ladigan o'yinda unga dam bermoqchiman. U bunga rozi bo'ldi”, — dedi Xamren. Shuning bilan birga, 34 yoshli shved Chexiya termasi bilan 29 martda bo'ladigan o'yinda maydonga tushishi mumkin.
— deya xabar beradi uff.uz nashri.