Kataloniyaning “Barselona” klubida janubiy amerikalik futbolchilar muntazam tarzda etakchilik qilib kelishgan. Biz klub tarixidagi eng yaxshi braziliyalik futbolchilar reytingini tuzib chiqdik.  
7. Evaristo de Makedo
O'ynagan davri: 1957-1962
Natijasi: 114 o'yin - 78 gol
Braziliyalik hujumchi Kataloniyaliklar tarkibida 5 mavsum mobaynida to'p surdi. U ana shu davr ichida ikki marta La Liga chempionligini va bir bora Ispaniya kubogini qo'lga kiritdi. Har yili chempionatda 10 tadan ortiq gol urdi. 1959 va 1962 yilgi mavsumlarda esa Premeroda 20 tadan gol urishning uddasidan chiqdi. Makedo “Barsa” muxlislarining sevimli futbolchisi edi. Biroq u 1962 yilda jamoaning azaliy raqibi “Real” safiga o'tib ketgach, muxlislarning nafratiga duchor bo'ldi.
6. Ronaldo  
O'ynagan davri: 1996-1997
Natijasi: 49 o'yin – 47 gol.
“So'yloq” 1996/97 yilgi mavsumda chempionatda 34 ta gol urib, to'purarlikni qo'lga kiritdi. Shuningdek “Oltin butsa”ga sazovor bo'ldi. Klub bilan Ispaniya kubogi, superkubogi va Kubok Egalari kubogi musobaqalarida zafar quchdi. 1997 yilda u “Oltin to'p”ni qo'lga kiritdi. Biroq Ronaldoning Kataloniyadagi sayohati uzoqqa cho'zilmadi va u yangi mavsumni Milanning “Inter” jamoasida boshlaydi. Shunday bo'lsa ham u “Barselona” tarixida o'z nomini qoldira oldi.
5. Romario  
O'ynagan davri: 1993-1995
Natijasi: 65 o'yin – 39 gol
Ronaldo “Kamp Nou”ga kelmasidan oldin bu stadionda Romario muxlislar yoqimtoyi edi. U ikki mavsum davomida klub sharafini himoya qildi va 1994 yilda jamoa bilan mamlakat chempionligini tantana qildi. O'zi esa 30 ta gol urib eng yaxshi to'purarga aylandi. Romario 1994 yilda “Oltin to'p” sohibiga aylandi. Ammo keyingi mavsum hujumchi uchun omadsiz kechdi va u shundan so'ng o'z yurtiga qaytib ketishga majbur bo'ladi.
Davomi Furqat Yusupov blogida.
— deya xabar beradi uff.uz nashri.