Xabaringiz bor, Samvel Babayan ustozligidagi O'zbekiston milliy terma jamoasi 24 mart kuni Filippin termasiga qarshi Jahon Chempionati-2018 ikkinchi saralash bosqichi doirasidagi o'yinini o'tkazadi.
Olingan ma'lumotlarga qaraganda, mazkur o'yinda raqib terma jamoa o'zining ikki etakchi o'yinchilari xizmatidan foydalana olmaydi. Allaqachon yurtimizda bo'lib turgan Filippin termasi jamoa etakchilari – Shtefan Shrok hamda Fil Yanghasbandni poytaxtimizga olib kelmadi. Boisi har ikki futbolchini jarohat qiynamoqda ekan. Yanghasband tizzasidan jarohat orttirib olgan bo'lsa, Shrok bir qancha muddat avval oyog'ini sindirib olgan. Shu sababli ham Filippin termasi ustozi Tomas Duli ushbu ikki o'yinchini Toshkentga olib kela olmadi.
Ta'kidlash joiz, O'zbekiston – Filippin uchrashuvi 24 mart kuni “Bunyodkor” stadionida bo'lib o'tadi. O'yin soat 18:00da boshlanadi.
Davomi Sports.Uz blogida.
— deya xabar beradi uff.uz nashri.