Ta'lim olgan maktabida u nafaqat baquvvat va kuchliligi, balki a'lo darajada o'qishi bilan ham o'zgalardan ajralib turardi. Havaskorlar futbol jamoasida ham u bo'sh kelmadi. Jamoa sardorlik bog'ichiga ega chiqqandan so'ng, unga xurmat tariqasida “Oq bo'ri” degan laqabni berishdi. Maktabni tamomlagach, Adams rezina fabrikasiga ishga joylashdi. Kunning ikkinchi qismida esa, havaskorlar jamoasida hujumchi ampulasida o'ynardi. Odatda u futboldan do'stining mashinasida qaytardi. Biroq ularning bu safargi sayohati halokat bilan yakun topdi. Mashina avtohalokatga uchradi va mashinani boshqarayotgan do'sti voqea joyida halok bo'ldi. Ammo taqilgan xavfsizlik kamari Adamsni jonini saqlab qoldi.
Adams do'stining vafotidan chuqur qayg'uga botdi va uning normal hayotiga qaytishi uchun ruhshunos unga raqsga borishga maslahat berdi.
Baxtiga, barchasi Adams uchun omadli kechdi. Qayg'uli oxir xotiralar sariq sochli maftunkor Bernadetni uchratgandan so'ng yo'qolib ketdi. Ikki holat bo'lmaganda barchasi Adams uchun ajoyib kechayotgndi: Jan-Per armiyaga borish bo'yicha taklif oldi, qizning ota-onasi esa, qizini qora tanli afrikalikka erga berishga mutlaqo qarshi edilar.
Bu holat Adams uchun yangi kunlarning boshlanishi edi, desak mubolag'a bo'lmaydi. Jamoasida muntazam ishtirok etib kelib, u mashhur “Nima” ustozi Kaderu Firu diqqatiga tushib qoldi. Firu o'z navbatida Gi Rudan so'ng, Frantsiya birinchiligida eng ko'p uchrashuv o'tkazgan murabbiy edi.
Firu futbolchining egiluvchanligiga qoyil qolib, unga himoyada o'z kuchini sinab ko'rish taklifni berdi. Adams yangi ampulada murabbiy ishonchini oqladi va qator nazorat bahslaridan keyin jamoa bilan dastlabki professional shartnomasini imzoladi va tez orada sevikli yorining ota-onasidan oq fotiha oldi. Bernadet gap yangi shartnomada emas ekanligini va Adamsning boshqa hislatlari ham unga muhabbat bag'ishlaganini aytib o'tdi.
“Men umrim bino bo'lib udek saxiy, ko'ngilchan va mehribon insonni ko'rmaganman. Jozibasining chegarasi xuddi tuganmasdek, go'yo”, deya Adams jufti haloli yillar o'tib, ta'kidlab o'tdi.
1970 yil boshlarida “Nima” yengib bo'lmas kuchga aylangan edi. 1972 yilda esa, Adams jamoa bilan Frantsiya chempionati kumush medaliga sazovor bo'ldi. Ushbu yilning o'zidayoq himoyachi terma jamoadan chaqiriq oldi. 1974 yildagi Jahon chempionatida esa, Adams va uning qora tanli sherigi Trezor yiqitib bo'lmas yovuz sherga aylanishgan edi. “Himoya chizig'ini yorib o'tish go'yoki, uddalab bo'lmas ish bo'lib tuyulardi. Trezor o'yinni o'qa olish jihati bilan tanilgan bo'lsa, Jan-Per bahaybatligi va kuchliligi bilan e'tiborni jalb qilgan edi. Barcha bu ikki juftlikni “Qora gvardiya” deb atardi”, deya Frants Bekkenbaur aytib o'tgan.
Afsuski, tizzadagi jarohat Adamsni brogan sari bezovta qilardi. Ilk jarohatini u 18 yoshligida olgan edi. 1973 yilda “Nitsa” klubiga ko'chib o'tgach, himoyachi ko'pincha ukol bilan maydonga tushardi.
Davomi Penalti.uz blogida.
— deya xabar beradi uff.uz nashri.