Frantsiya terma jamoasi sobiq bosh murabbiyi Raymon Domenek munajjimlik bilan shug'ullangani, ammo tarkib tanlashda hech qachon undan foydalanmaganini aytib o'tdi.
"Men darhaqiqat munajjimlikni o'rganib chiqqanman va bir kitobda o'qishim bo'yicha egizaklar burji ostida tug'ilgan bolani tarbiyalab bo'lmasligini bilib olganman. Bunday burj ostida tug'ilgan bolalarga: "Bor, mana bu ish bilan shug'ullan", deb bo'lmaydi. Ular baribir quloq solmaydilar.
Bu meni hayratga soldi va o'zimga o'zim: axir bu ayni haqiqatku, dedim. Turli odamlarni boshqarar ekansan bir xil uslubdan foydalanish mumkin emas. Mana shu sababli ham men munajjimlikni o'rganganman. Ammo Frantsiya terma jamoasida ishlagan vaqtlarimda tarkibni aniqlash uchun undan hech qachon foydalanmaganman", - deydi Domenek.
— deya xabar beradi uff.uz nashri.