“Real Madrid” jamoasi hujumchisi Karim Benzema Frantsiya terma jamoasiga qaytarilishi mumkin. Bu haqda Infosport+ xabar bermoqda. Ma'lumotlarga ko'ra, joriy yilning 15 aprel kuni borada aniqlik kiritiladi. Sababi, aynan shu kuni Frantsiya futbol federatsiyasi mutasaddilari va terma jamoa murabbiylari ushbu masalani ko'rib chiqadi. Eslatib o'tamiz, 28 yoshli hujumchi terma jamoadagi sherigi Matyo Valbuenaga tahdid qilish va pul undirishda ayblangan. Keyinroq esa uning aybi qisman olib tashlangan. Ma'lumot uchun, Matyo Valbuena Frantsiya termasining bo'lajak o'yinlari uchun termaga chaqirilmagan. 
— deya xabar beradi uff.uz nashri.