"Arsenal" himoyachisi Ektor Belerin o'ziga "Barselona" tomonidan qiziqish bo'lgani haqidagi xabarlarga izoh berdi. Eslatib o'tamiz, himoyachi 2011 yilda aynan kataloniyaliklar safidan "Arsenal"ga o'tgan edi.

"Barselona"dan ketarkanman, ortga qaramaganman va bor e'tiborni "Arsenal"dagi kelajakka qaratganman.

O'tgan yili jamoam bilan yangi shartnoma imzoladim va meni oldinda ko'p narsalar kutib turibdi. "Arsenal" Aleksis Sanches va Mesut O'zil boshchiligida ajoyib jamoa tashkil etmoqda. Mening kelajagim aynan shu erda.

Futbolda hamma narsa ro'y berishi mumkin, ammo ayni vaqtda men "Arsenal" futbolchisiman va jamoamga yordam berish uchun bor kuchimni sarflamoqdaman. Bu erdan ketish haqida mutlaqo o'ylaganim yo'q", - deydi Belerin.


— deya xabar beradi uff.uz nashri.