Bahsning asosiy vaqtiga qo'shib berilgan daqiqalarda Diogo Dalotning jarima maydoni tashqarisidan bergan zarbasini PSJ himoyachisi Prenel Kimpembe qo'li bilan qaytargani uchun uchrashuv hakami Damir Skomina videoassistent hulosasidan so'ng, 11 metrlik nuqtani ko'rsatdi. Bu esa PSJ muxlislari va bir qator mutaxassislarga yoqmadi. Masalan, o'z davrida taniqli hujumchi bo'lgan angliyalik Maykl Ouen ham bu vaziyatga etiroz bildirdi.
"Ko'pchilik insonlar penalti bo'lgani va bu haqli belgilanganligi hususida gapirishmoqda. Ammo, men bunday hisoblamayman. Kimpembe to'pni orqasi o'girilgan holatda qaytardi. Bunda u sakragan vaziyatda to'pni ko'rmagan va to'pni ixtiyoriy qo'li bilan qaytarmagan edi. Hakam takroran vaziyatni ko'rish uchun VAR tizimiga murojaat qilganidan so'ng, penalti borligini bildingiz", - deya fikr bildirdi Ouen.
Eslatib o'tamiz, MYU o'z maydonida PSJga 0:2 hisobida yutqazgan va javob o'yinidan oldin ECHLning chorak final bosqichiga chiqish uchun ikkita to'p farqini yo'qqa chiqarishi kerak edi. Rashfordning penaltidan urgan goli mazkur qarama-qarshilik taqdirini hal qildi. Natijada, PSJning omadsiz ananasi takrorlandi. Mankunianliklar ustozi Sulsher esa MYUdagi omadli debyuti tasodif emasligini yana bir bor isbotladi.
Bosh sahifaga
137