«Gannover» - «Bayer» o'rtasidagi o'yinning birinchi taymida mezbonlar yarim himoyachisi Genki Xaraguchi darvozabon bilan birga-bir vaziyatga chiqib borib uni aldab bo'sh darvozaga zarba berdi, ko'pchilik gol deb baqirishni ham boshladi, ammo... Maydonda yig'ilgan qor tufayli to'p sekinlashdi va darvoza chizig'i yonginasida to'xtab qoldi. Yaponiyalik futbolchi va mezbonlar muxlislariga qanchalik alam qilganini tasavvur qilib ko'ring.
«Gannover» hozir Bundesligada qolish uchun kurashmoqda, shu bois jamoaga har bir ochko juda zarur. O'yindan so'ng jamoa ustozi Tomas Doll bu vaziyat haqida gapirdi:
«Genki darvozabonni aldab o'tib, bo'sh darvozaga zarba berganida to'p to'xtab qoldi. Musobaqa jadvali eng so'nggi pog'onasida mana shunday omadimiz kelayapti».
«Gannover» o'sha vaziyatda 0:2 hisobida ortda qolayotgandi, yakunda esa 2:3 hisobi qayd etildi.
TAS-IX