Bu haqida Eronning mashreghnews.ir sayti xabar qilmoqda. 6 aprel kuni OFK prezidentligiga saylovlar bo'lib o'tadi. Bu qita futbolidagi eng katta voqea sanaladi. Bu voqealar, ayniqsa, Eron bilan bog'iq masalalar uchun ham hal qiluvchi ahamiyatga ega. Zero, uchchala nomzod ham bu yil prezidentlik uchun kurash olib borishini elon qildi.
Birinchisi, amaldagi prezident SHayx Salmon, ikkinchisi qatarlik Saud al Muhannadiy, uchinchisi va hozirda juda ko'p muhokama va munozaralarga sabab bo'layotgan General Muhammad Xalfan al Rumaysiydir.
Erondagi yangiliklar agentliklarining jar solishicha, agarda OFK prezidentlik kursisini Rumaysiy egallasa, quyidagilar ro'y berishi mumkin:
- Barcha masalalarga harbiy-siyosiy hamda noreallikka asoslgan yondashuv. U o'z vaqtida Abu Dabi policiyasining boshlig'i bo'lgan. U sportdan ko'ra harbiy va siyosiy ishlarda rahbarlik lavozimlarida ishlaganligi uchun ham harbiy-siyosiy sohani yaxshi tushunadi.
- Al-Rumaysiy Abu Dabi bir necha kun avval bo'lib o'tgan o'zining birinchi matbuot anjuanida muhbirlarga rang-barang vadalar berdi. Birinchisi, Osiyo futboli taraqqiyotiga 320 millionlik investiciya kiritish istagi. Eron nashrlarining yozishicha, bu juda katta mablag' va amalga oshirilishi qiyin bo'lgan ishdir.
- Saylov dasturida kreativlilikning yo'qligi va FIFA prezidenti Janni Infantinodan bu borada nusxa olinganligidan tashqari, Osiyo futboli taraqqiyotiga millionlab dollarlarning kiritilishi haqida gap boradi. Masalan, Osiyoda ayollar futbolini ko'tarish kabi bir qator vadalar hayratlanarli darajada Infantinoning saylovoldi dasturida ham keltirilgan va deyarli dastur ko'chirib olingan.
- Al Rumaysiy Eron va qolaversa Osiyo futboliga separatistik g'oyalari bilan tahdid solishi mumkin, agarda u OFKda ish boshlasa. CHunki, u Eron bilan bog'liq masalalarga doim arab mamlakatlari bilan birgalikda kurashish kerakligini uqtirib kelgan. Masalan, u hatto, Erondagi Osiyo chempionlar ligasiga kelishdan ham bosh tortgan. Lekin, OFK Rumaysiyning talablari hamda iddaolariga quloq solmagan va BAA klubariga Tehronda o'ynashga buyruq bergan.
Mana shunday jihatlari uchun ham hozirda Eron Rumaysiyning hokimiyat tepasiga kelishini istamayapti. Boshqa so'z bilan aytganda BAA va Qatar o'rtasiga o'xshash mojaro futbolga qanday zarar keltirayotgan bo'lsa, Rumaysiyning kelishi bilan ushbu mojaroga o'xshash yangi muammo paydo bo'lishi mumkin, deb yozadi Eron nashrlari.
Eslatib o'tamiz, OFK prezidentligi uchun saylovlar uchun O'zbekiston futbol associaciyasi aynan Rumaysiy nomzodini ilgari surgan. Umid qilamizki, O'FA bejizga ushbu nomzodni qo'llab-quvvatlamayapti va mazkur tanlov o'zbek futboli rivojiga xizmat qiladi.
Bosh sahifaga
148