Kataloniya klubi Ispaniyaning ushbu turnirdagi so'nggi vakiliga aylandi. "Real" va "Atletiko" o'z janglarida imkoniyatni boy berishdi.
CHempionlar ligasining deyarli har bir kechasida kambeklar amalga oshmoqda, PSJ, "Atletiko", "Roma" kabi jamoalar javob o'yinida raqibga jiddiy qaramagani uchun jazolanishdi. "Barselona" o'ziga kerakli xulosa chiqara olsa, bugun tunda franciyaliklarni uyga CHL chiptasisiz yuborishi mumkin. Agar aksi bo'lsa yana bir grand turnirni tark etadi.
"Barselona"ga oid so'nggi yangiliklar:
- Ayni damda "Barselona" safida deyarli barcha futbolchilar maydonga tushishga tayyor. Jarohat olgan Rafinya shundoq ham maydonga tushmayapti, Usmon Dembele va Tomas Vermalenning uchrashuvda ishtirok etishi so'roq ostida.
- Agar Dembele tibbiy testdan o'ta olmasa, Koutino o'zini ko'rsatish uchun imkoniyatga ega bo'ladi.
"Lion"ga oid so'nggi xabarlar:
- "Lion" safida esa Rafael va Marselolar maydonga tushishi nomalum.
- Nabil Fekir safga qaytdi. U diskvalifikaciya tufayli birinchi o'yinni o'tkazib yuborgan edi.
Taxminiy tarkiblar
"Barselona": Ter SHtegen, Alba, Yumtiti, Pike, Roberto, Vidal, Buskets, Rakitich, Koutino, Suares, Messi.
"Lion": Lopes, Mendi, Denayer, Marselo, Dubua, Auar, Ndombele, Depay, Fekir, Traore, Dembele.
Qiziqarli malumotlar
- "Lion" CHempionlar ligasidagi so'nggi 6ta o'yinda durang qayd etdi
- "Barselona" "Lion"ga qarshi uyida o'tkazgan oxirgi 3ta bahsida g'alabaga erishgan
- Kataloniya klubi CHempionlar ligasining so'nggi 7ta uchrashuvida mag'lubiyat nimaligini bilmayapti
- "Barselona" "Lion"ga qarshi uyida o'tkazgan oxirgi 3ta o'yinida raqib darvozasiga kamida 2ta gol urishga muvaffaq bo'lgan.
Bosh sahifaga
263