Urugvay bilan kechgan o'yinda vakillarimiz 0:3 hisobida imkoniyatni boy berishdi. SHuni aytish lozim, bu o'yin tajribali himoyachi Anzur Ismoilov uchun milliy terma jamoadagi 99-uchrashuv bo'ldi. Anzur Urugvay bilan bahsga qadar bosh jamoamizda 98ta uchrashuv o'tkazgandi.
U yana bitta bahsda maydonga tushadigan bo'lsa, o'yinlari sonini 100taga etkazib oladi va yuzlik marrani zabt etgan to'rtinchi futbolchi bo'ladi. Malumot uchun, O'zbekiston terma jamoasida hozircha 100ta va undan ko'p o'yin o'tkazgan futbolchilar soni uch nafarni tashkil etadi. Bular - Timur Kapadze, Server Jeparov va Ignatiy Nesterov.
Agar 25 mart kuni Xitoy bilan kechadigan uchrashuvda Anzur Ismoilov yana maydonga tushadigan bo'lsa, bu uning uchun 100-o'yin bo'ladi. Anzur Ismoilov terma jamoadagi debyutini 2007 yil 2 iyul kuni Iroq terma jamoasiga qarshi o'tkazgan. O'shanda jamoamiz 2:0 hisobida zafar quchgandi.
Agar yilma yil oladigan bo'lsak, Anzur 2007 yil 3ta, 2008 yil 9ta, 2009 yil 8ta, 2010 yil 7ta, 2011 yil 8ta, 2012 yil 8ta, 2013 yil 12ta, 2014 yil 7ta, 2015 yil 13ta, 2016 yil 8ta, 2017 yil 5ta, 2018 yil 7ta va bu yil hisobidan hozircha 4ta o'yinda maydonga tushdi. Eslatib o'tamiz, bunda rasmiy o'yinlar bilan birgalikda FIFA kunlari o'tkazilgan o'rtoqlik uchrashuvlari ham hisobga olingan.
X.Xoliqov.
Bosh sahifaga
324