Azamat Allaniyozov: "Nasaf" bu yil O'zbekiston chempioni bo'lmoqchi"

“O'z oldimizga jiddiy maqsadlarni qo'ygan holda mavsumga tayyorgarlik ko'ryapmiz. Bizda faqat chempionlik unvoni yo'q. OFK Kubogi, O'zbekiston kubogi, kumush va bronza medallar bor. Kollekciyamizni chempionat oltin medallari bilan boyitib olsak, murodimiz hosil bo'lardi. Buning uchun joriy mavsumda astoydil harakat qilamiz. Afsuski, o'tgan mavsumning yarmini jarohat sabab o'tkazib yuborishga majbur bo'ldim. Mavsum avvalida o'z oldimga katta maqsadlar qo'ygandim. Birinchi galda to'purarlik mahoratimni namoyish etib, jamoamga yordam berishni xohlagandim. Ammo, hamisha ham siz o'ylagan narsalar bo'lavermas ekan. Bu yil jarohatlar chetlab o'tsa, albatta chempionat to'purlarligi uchun kurashaman”.

Kamoliddin ALIMOV