"Futbolchilik faoliyatimda ham, murabbiylikda ham bunchalik yirik hisobda yutqazmaganman. AGMK jamoasini tabriklayman, ular haqli ravishda yutishdi", - deb so'z boshladi Hasanov.
-Jamoa avvalgi turlarda yaxshi, kurashuvchan o'yin namoyish etgandi. Bugun esa jamoa bo'shashdi. Murabbiy sifatida bunga nima sabab deb o'ylaysiz?
- "Andijon"ga qarshi o'yinimiz chiqmadi. SHuning uchun tarkibni o'zgartirib, yosh futbolchilarga imkon bergandim. Haqiqatdan ham avvalgi turlarda namoyish etgan o'yinimiz bugun bo'lmadi. Maydondan chetlatilgan futbolchimiz ichkarida yig'lab o'tiribdi.
-Penalti belgilangan vaziyatda maydonga tushib ketdingiz. Aynan nimadan norozi bo'ldingiz?
-O'sha vaqtda futbolchimizni yupatmoqchi edim. Vaziyatni yumshatmoqchi edim. O'sha vaziyatda yigitlarimiz qizisha boshlashgandi. Agar yana qizil kartochka oladigan bo'lsak bu juda yomon bo'lardi. CHunki, zaxira o'rindig'imiz ham u qadar katta emas.
-Uchta turdan so'ng hali g'alaba qozonmadingiz. Bundan tashqari, bugungi hisob sizning istefoingizga tasir qilmasmikin?
-Men tayyorman. Aytib o'tganimdek, ilk marotaba bunday mag'lub bo'ldim. SHuning uchun, bunday vaziyatlarga men tayyorman. Mening o'rnimda boshqa murabbiy bo'lganida ham shunday fikr bildirgan bo'lardi deb o'ylayman.
-Bugungi natijadan so'ng muxlislarga nima deya olasiz?
-Muxlislardan uzr so'raymiz. CHunki, "Qo'qon-1912" xech qachon yutqazmagan. Biz jamoaga befarq bo'lmagan barchadan kechirim so'raymiz. Uzoq yo'l bosib kelib, bizni qo'llab-quvvatlagani kelishgandi.
Bosh sahifaga
304