"Kecha ham uchrashuv qiyin bo'lishini aytib o'tgandim. Amalda ham shunday bo'ldi. Biz o'yinni yaxshi boshladik, tezkor gol urdik, birozgina o'yinni nazorat qildik. Lekin shundan keyin ustunlikni mezbonlar o'z qo'llariga olishdi. Tanaffusga qadar o'yinimiz yaxshi chiqqani yo'q. Tanaffusdan keyin vaziyat o'zgardi, biz raqib jarima maydoniga yaqin hududda xavfli jamoaga aylandik.
Goh bu, goh bu darvoza yonida xavfli vaziyat sodir etildi. Qayd etilgan durang natijani adolatli deb hisoblayman", - deydi Jezualdo Ferreyra.
"Murabbiy to'g'ri aytib o'tdi. Dastlabki 15 daqiqada yaxshi o'ynadik. "Paxtakor" juda yaxshi shakllangan jamoa ekanligini ko'rsatdi. Ayniqsa qanotlarda yaxshi harakat qilishdi, chap qanotda o'ynagan vingerning (Masharipov) harakatlarini alohida takidlab o'tgan bo'lardim. Ikkinchi bo'limda murabbiy taktikani o'zgartirdi va o'yinni nazorati bizg o'tdi. Ikkinchi taymda deyarli bexato o'ynadik. Yutishimiz ham, yutqazib qo'yishimiz ham mumkin edi. Butun o'yinni oladigan bo'lsak durangni adolatli deb ayta olaman", - deydi Xavi.
- Ikkinchi taym boshida aynan qanday o'zgarish sodir etildi?
- Birinchi bo'limdagi o'xshamagan o'yinimizni raqibning qanotlari tufayli bo'ldi degan bo'lardim. Osiyo chempionlar ligasidek musobaqada omad ham kerak. Ikkinchi bo'limda "Paxtakor"ning qanotlari xavfini pasaytirdik va o'zimiz xavfliroq hujum qilishga o'tdik.
- OCHLda uchta gol urdingiz. Etiborlisi uchala gol ham Sanjar Quvvatov darvozasiga urildi. O'tgan yil "Nasaf"da o'ynaganida unga bitta to'p kiritgan edingiz. Bugun ikkita gol...
- Bu shunchaki tasodif. Bugun omadim keldi va gollar urdim.
Bosh sahifaga
250