Yaman "JAR"da mashg'ulot o'tkazdi

O'FFning rasmiy sayti xabar berganidek, yamanliklar yurtimizga 19 nafar futbolchi bilan tashrif buyurgan. Ularda ham hujum chizig'ida muammo borga o'xshaydi. Terma jamoa ixtiyorida ayni paytda bor yo'g'i ikki nafar hujumchi bor. Toshkentga kelgan 3 nafar futbolchi esa horij chempionatlarida to'p tepadilar.

Avvaliga chigal yozdi mashqlarini o'tkazgan yamanliklar keyin ikki tarkibga bo'linib to'p tepdilar. Oqlar va ko'klar o'rtasidagi uchrashuv yarim maydonda bo'ldi. Ikki tarkibda ham asosiy tarkibda maydonga tushadigan futbolchilar bor edi. 

Gollardan biri penaltidan kiritildi. Bu zarba yo'nalishini darvozabon topgan bo'lsada, zarbaning kuchidan uni qaytara olmadi.

Amin Ali Husayn O'zbekistonga uchishidan avval BAAda Ummon terma jamoasiga 1:0 hisobida imkoniyatni boy berdi. 3 sentyabr kuni jamoasi bilan sensaciya qilishga harakat qilsa ajab emas. Ammo umid qilamizki, biznikilar bunga yo'l qo'ymaydilar.

Nodirxo'ja Yuldashev.