Eron Proligasi (chempionat shunday nomlanadi) hozirgi paytga kelib juda boshqacha ko'rinish olgan. Deyarli har bir o'yin janjalsiz o'tmayapti. Ayniqsa mamlakatning ikki "qariya" jamoasi - "Persepolis" va "Sepaxon" o'rtasidagi bahsda yuz bergan mojaro ko'pchilikning diqqatini o'ziga tortdi.
O'yinda muxlislar futbolchilarni haqoratlashga, hatto bir-birlari bilan mushtlashib ketishgacha borishdi. Qolaversa "Sepaxon" muxlislari o'rindiqlarni sindirib tashlashdi, o'rindiq bo'laklarini "Ozodi" stadioni maydoniga qarab otishdi. Yuzaga kelgan janjal natijasida 250 kishi turli jarohat bilan kasalxonaga yotqizildi.
SHunday voqea 19 aprel kuni Tabrizdagi o'yinda ham kuzatildi. "Traktorsozi" - "Paykan" o'rtasidagi uchrashuv (0:1)dan so'ng mezbon jamoa muxlislaridan biri maydonga tushib ketib Masud SHojayining yuziga musht tushirgandi. Eron futbol federaciyasi Tartib-intizom qo'mitasi tezkor yig'ilish o'tkazib vaziyatni o'rganib chiqdi. Qo'mita birinchi navbatda muxlislari janjal chiqargan klublarni jarimaga tortdi.
Ammo jarima bilan ish bitadimi-yo'qmi, bir narsa deyish qiyin. Qolaversa, muxlislarning keyingi o'yinlarda janjal chiqarmasligiga hech kim kafolat bera olmaydi. Federaciya klublarni ishqibozlar bilan ishlashga chaqirmoqda. Boshqalar esa tezroq chempionat o'z yakuniga etishini kutyapti.
Bosh sahifaga
233