"Lokomotiv": OCHL. “Al Ittihod”da g'alaba, “Al Vihdat” endi boshlaydi

2016-02-02 23:50:01 / Kiritdi: BestMaster O'qilgan: 1010

Xabaringiz bor, yaqinda Osiyo chempionlar ligasining guruh o'yinlari taqvimida o'zgarish yuz berdi.

“Lokomotiv” dastlabki turni BAAning “Al Nasr” klubiga qarshi o'tkazishi lozim edi, endi bo'lsa “Al Ittihod” va “Al Vihdat” o'rtasidagi pley-off uchrashuvi g'olibi Toshkentga tashrif buyuradi.

9 fevral kuni “Al Ittihod” bilan “Al Vihdat” o'zaro bahs olib boradi bunda kim g'alaba qozonsa, bizning guruhga tushadi. Saudiya Arabistonining eng kuchli klublaridan biri “Al Ittihod” kuni kecha o'z maydonida “Najran” jamoasini qabul qilib. 1:0 hisobida g'alaba qozondi. O'yindagi yagona gol 36-daqiqada Salli Muntari tomonidan kiritildi.

Ayni paytda “Al Ittihod” 14 o'yindan so'ng turnir jadvalida 3-o'rinni egallab turibdi. Ular hisobida 29 ochko bor. Birinchi o'rinda borayotgan “Al Hilol” hisobida esa 36 ochko mavjud.

Iordaniya chempionati ishtirokchisi “Al Vihdat” 4 fevraldan ikkinchi davra o'yinlarini boshlaydi. Birinchi davradan so'ng bu jamoa to'rtinchi o'rinni egallab turibdi.

Teglar: lokomotiv, ochl, “al, ittihod”da, galaba, “al, vihdat”, endi, boshlaydi,
← Oldinga Orqaga →