"Natijadan qoniqmadik. Ikki xil taym o'tkazdik. AGMK bugun g'alaba juda zarur ekanligini bilardik. Ular anchadan buyon g'alaba qozona olishmayotgandi. Birinchi taymda hujumda juda kuchsiz o'ynadik, bo'lim so'nggida standartdan gol o'tkazib yubordik.
Uchta o'yindan buyon gol ura olmayapmiz. Bunga ko'plab sabablar bor. Ikkinchi taymda to'pni nazorat qildik, ammo yana oxirida gol o'tkazib yubordik. Hujumda o'zimiz istagandek o'ynay olmadik.
Asilbek Amonov mashg'ulotda jarohat oldi va maydonga Qobuljonov tushdi. Azamat Allaniyazov bir oydan buyon davolanmoqda. Hakimov birinchi o'yinlarda gol urgandi, hozir esa biz istagandek o'ynay olmayapti.
"Surxon" oldiga etakchi klublarga raqobatchi jamoaga aylantirish vazifasi qo'yilgan. Termizda 15 yildan buyon katta futbol bo'lmagan. SHu bois endi yangi yoshlarni kashf qilish kerak. Bugun ikki nafar termizlik futbolchi o'ynadi.
Yigitlarga ikkinchi bo'lim uchun etirozim yo'q", - deydi Andrey Miklyaev.
Bosh sahifaga
223