Andrey Fyodorov: "O'tkazib yuborilgan ilk golgacha yaxshi o'ynayotgandik"

- "Al Vahda"ni g'alaba va pley-off bosqichiga chiqqani bilan tabriklayman. O'tkazilgan ilk golga qadar biz yaxshi o'ynayotgandik. Ammo goldan keyin koncentraciyani yo'qotdik va shu boisdan gollarni o'zimiz yaratib berdik. Holat shungacha etib borgandiki, bizga faqatgina g'alaba va uch ochko kerak edi. 1:1dan keyin oldinga katta kuchni tashladik va himoya chizig'ini ochib qo'ydik. Ikkinchi goldan keyin holatimiz og'irlashib ketdi. Yaxshi himoyalanayotgan raqibning darvozasi qarshisida bir necha vaziyatlar yaratib, hisobni tenglashtirishmiz ham mumkin edi. Urmadik, evaziga uchinchi golni o'tkazib yubordik.