Bugungi o'yinda g'alaba uchun maydonga tushgandik. Raqibimiz "Zarangari" yaxshi shakllangan jamoa, ularni safarda mag'lub etish oson bo'lmasligini bilardik. SHundan kelib chiqqan holda ushbu uchrashuvga tayyorgarlik ko'rgandik, o'ylagan rejalarimiz amalga oshdi, guvohi bo'lganingizdek, g'alaba qozonishni uddasidan chiqdik.
Birinchi davrada 10ta gol uraman deb maqsad qilganman. Bu borada "Dinamo" jamoasi bosh murabbiyi Davron Fayziev bilan garov o'ynaganman. Nasib qilsa birinchi davra yakuniga qadar gollarim sonini 10taga etkazish niyatidaman.
O'zim asli Surxandaryo viloyatidanman. Futbolchilik faoliyatimni dastlab Denov tumanining "CHag'aniyon" jamoasida boshlaganman. Keyinchalik "Surxon", "Mashal", "So'g'diyona", "Norin" jamoalarida o'ynadim. 2019 yilning boshida hozirda jamoamiz sardori Sarvar Xolmatovning taklifiga ko'ra "Ittifoq-Navoiy" jamoasi safiga qo'shildim.
Jamoamiz oldiga bu yilgi mavsumda A PRO-Ligaga yo'llanmani qo'lga kiritish, O'zbekiston kubogi uchrashuvlarida munosib ishtirok etishdan iborat. "Ittifoq-Navoiy" futbol klubi rahbariyati tomonidan bizga etarlicha sharoitlar yaratib berilmoqda. SHuningdek klubimiz bazasi va jamoamizning uy uchrashuvlari o'tkaziladigan zamonaviy stadionni barpo etish bo'yicha tizimli ishlar yo'lga qo'yilgan. Nasib etsa, kelajakda "Ittifoq-Navoiy" jamoasini Superligaga olib chiqmoqchimiz.
Bekzod Tolibov yozib oldi.
Bosh sahifaga
253