Myunxenliklar shu yo'l bilan "Kayzerslautern" jamoasiga moliyaviy yordam berishadi. Yani, mazkur o'rtoqlik uchrashuvidan tushgan mablag'ning barchasi "Kayzerslautern" klubi hisob-raqamiga o'tkazib beriladi.
Ayni paytda klub moliyaviy inqirozda. "Bavariya" tomonidan tashkillashtirilayotgan mazkur o'rtoqlik o'yinidan tushgan pullar jamoaga kelasi mavsum Germaniya uchinchi ligasida o'ynash uchun qo'lga kiritilishi lozim bo'lgan licenziyani olishda yordam berishi ko'zda tutilgan.
"Bavariya" katta o'yinlarda doim ham "kambek" amalga oshirmagan bo'lishi mumkin. Lekin inqirozga ko'chasiga kirib qolgan va yo'qolib ketishi xavfi bo'lgan jamoalarga katta futbolda "kambek"ni amalga oshirishi uchun bevosita yordam qo'lini cho'zib keladi. "Kayzerslautern" bu borada 11-jamoaga aylanadi.
"Bavariya" inqirozdan qutqargan klublar ro'yxati:
▪️«Gerta» (1995)
▪️«Kemnicer» (2003)
▪️«Sankt Pauli» (2003)
▪️«Borussiya» D (2005)
▪️«1859 Myunxen» (2006)
▪️«Darmshtadt» (2008)
▪️«Alemaniya Axen» (2013)
▪️«Ganza» (2013)
▪️«Dinamo» Drezden (2015)
▪️«Offenbax» (2017)
▪️«Kayzerslautern» (2019)
Malumot o'rnida: "Kayzerslautern" 4 karra Germaniya chempioni hisoblanadi. SHuningdek, jamoa ikki marotaba Germaniya kubogini qo'lga kiritgan va Germaniya Superkubogida g'alaba qozongan. Ayni paytda inqirozga yo'l tutayotgan mazkur jamoa 1999 yili Evropa CHempionlar ligasida ishtirok etib, chorak final bosqichiga qadar borishni uddalagan. Qo'shimchasiga, jamoa ikki marotaba UEFA Kubogi yarim finaliga chiqqan.
Ayni paytda inqirozga yo'l tutayotgan jamoa Germaniya uchinchi ligasida ishtirok etib, turnir jadvalining 9-o'rnida bormoqda. Kelasi mavsum ham mazkur ligada qatnashish uchun ruxsat beruvchi licenziyani olish uchun esa mablag' zarur.
Bosh sahifaga
214