- "Metallurg"ga qarshi o'yindan oldingi fikrlaringiz bilan o'rtoqlashsangiz...
- "Metallurg" bilan yaxshi o'yin bo'ladi. Nafaqat "Metallurg", balki, boshqa jamoalar bilan o'tgan o'yinlar ham qiyin o'tdi. Navbatdagi uchrashuvlar ham murakkab o'tishi aniq. Superligada oddiy bahslar o'tmayapti. "Metallurg" yaxshi jamoa, ularga qarshi o'tadigan bahsga yaxshi tayyorgarlik ko'ryapmiz. Garchi OCHLda mag'lubiyatga uchragan bo'lsak-da, jamoadoshlarimning kayfiyati yaxshi holatda.
- "Lokomotiv"ga o'tish hayotingizda nimalarni o'zgartirdi?
- "Lokomotiv"ga o'tishim faoliyatimda katta o'zgarishlarga olib keldi. CHunki barcha futbolchilar chempion jamoada o'ynash yoqimli. Men ham yoshligimdan chempion jamoa tarkibida o'ynashni maqsad qilgandim. Orzularimga erishyapman. Endi kelgusida yaxshi o'yinlar ko'rsatib, "Lokomotiv" muxlislarini xursand qilmoqchiman.
- Qaysi darvozabonning o'yinlariga muxlissiz?
- "Tottenxem" va Franciya termasi darvozaboni Ugo Lorisning o'yinlari menga yoqadi. Har doim uning o'yinlarini ko'rib, undan o'rganishga harakat qilaman.
- Nega aynan darvozabonlikni tanlagansiz? Darvozabon bo'lishga sizni nima undagan?
- Yoshligimdan ko'rib, darvozabonlikka qiziqqanman. Yoshligimda Iker Kasilyasning o'yinlarini kuzatib yurib, ko'chalarda, asfaltlarda futbol o'ynab, oyoqlar shilinguncha to'p tepardik. Keyinchalik futbol maktabiga bordim va asta-sekin ulg'ayib, orzularimga erishmoqdaman.
Bosh sahifaga
191