"Navbahor" o'z maydonida "Metallurg" bilan kuch sinashadi. Namangandagi markaziy stadionda kechadigan bahs 18:40da boshlanadi. Quyida o'yinga doir malumotlarni keltirib o'tamiz.
"Navbahor"
- "Navbahor" turnir jadvalida 12 ochko bilan 6-o'rinni egallab turibdi. To'plar nisbati 14-10.
- "Navbahor" uy maqomidagi o'yinlarda shu paytgacha 4ta uchrashuv o'tkazib, shundan ikkitasida g'olib chiqqan.
- Bu jamoa qatorasiga besh o'yindan beri mag'lub bo'lmayapti: uch g'alaba va ikki durang.
- "Navbahor" Namangandagi stadionda ikki bor maydonga tushib, ikkalasini ham g'alaba bilan tugatdi.
- Andrey Kanchelskis shogirdlari bungacha o'z uylarida "Surxon"ni 3:0 va "So'g'diyona"ni 3:1 hisobida mag'lub etishdi.
- "Navbahor" shu paytgacha "Metallurg"ga qarshi 44ta o'yin o'tkazib, shundan 20tasida g'olib chiqqan.
"Metallurg"
- Bekobod klubi turnir jadvalida 11 ochko bilan 8-o'rinda bormoqda. To'plar nisbati 13-9.
- "Metallurg"ning safarda hozircha ishlari yurishayotgani yo'q. Negaki jamoa to'rtta o'yin o'tkazgan bo'lsa, shundan uchtasida mag'lubiyatga uchrab, bir marta durang qayd etgan.
- "Metallurg" oxirgi ikki turdan beri g'alaba qozona olmayapti: bekobodliklar hisobida bittadan durang va mag'lubiyat bor.
- "Metallurg" oxirgi uchta safar uchrashuvining hammasida imkoniyatni boy berdi. Jamoa "Dinamo", "So'g'diyona" va "Paxtakor"ga qarshi bahslarda yutqazib qaytdi.
- "Metallurg" shu paytgacha "Navbahor"ga qarshi 44ta o'yin o'tkazib, shundan 12tasida g'alabaga erishgan.
Oxirgi 5 o'yin
2018 yil. Ikkinchi bosqich. "Navbahor" - "Metallurg" 0:0
2018 yil. Birinchi bosqich. "Navbahor" - "Metallurg" 3:0
2017 yil. "Navbahor" - "Metallurg" 2:1
2016 yil. "Navbahor" - "Metallurg" 0:1
2015 yil. "Navbahor" - "Metallurg" 2:2
Namanganda kechgan oxirgi beshta uchrashuvning ikkitasida "Navbahor" g'alaba qozongan. Yana ikki o'yin durang natija bilan yakun topgan va bir marta "Metallurg" g'alaba qozongan. Oxirgi ikki o'yindan beri "Navbavhor" bu raqibidan gol o'tkazmayapti.
Bosh sahifaga
347