O'rtoqlik uchrashuvi. "Olmaliq" - "Metallurg" 2:4

Uchrashuv gollarga boy bo'ldi. Stadionga tashrif buyurgan ishqibozlar darvozalarga urilgan oltita golga guvoh bo'lishdi. O'yining ettinchi daqiqasida Dilmurod Karimov hisobni ochdi. 28-daqiqada Arslonmurod Amanovga nisbatan jarima maydonchasida qo'pollik ishlatildi. Belgilangan penaltini Farhod Tojiev bexato amalga oshirdi. Ikkinchi taymda jamoamiz hujumkorlikni oshirgan bo'lsada, bu hisobda aks etmadi. Aksincha bekobodliklar yaratilgan vaziyatlardan unumli foydalanishdi. 62 va 68-daqiqalarda Zohid Abdullaev Mixail Naumov qo'riqlayotgan darvozani ishg'ol etib, "Metallurg"ni oldinga olib chiqdi. 70-daqiqada Doniyor Ismoilov hisobni qisqartirishga erishdi. O'yinning so'nggi daqiqasida Sunnat Ermatov o'yinda yakuniy hisobni o'rnatuvchi golga mualliflik qildi.
Bu bahsda jarohat sabab Islom Inomov va Darko Stanoevich ishtirok etmadi. Doston Toshmatov, Umid Xonimqulov, Roman Abdulov va Ro'zimboy Ahmedovlar esa mashg'ulot o'tkazish bilan cheklanishdi.

Uchrashuvni jamoalar quyidagi tarkiblarda o'tkazishdi.

"Olmaliq" - "Metallurg" 2:4
Hakamlar: Ahrol Risqullaev, Eldor Tursunov, Jahongir Abdurazzoqov, SHuhrat Rajabov.
Gollar: Farhod Tojiev 28-penalti, Doniyor Ismoilov 70 - Dilmurod Karimov 7, Zohid Abdullaev 62, 68, Sunnat Ermatov 90.
"Olmaliq": Nikita SHkvirin, Rahmatillo Berdimurodov, Saidkomil Akbarov, Evgeniy Gogol, Ibrohim Rahimov, Timur SHaripov, Mirjamol Qosimov, Arslonmurod Amanov, Doniyor Ismoilov, Diyor Turopov, Farhod Tojiev.
Zaxiradan maydonga tushganlar: Mixail Naumov, Zohir Pirimov, Nikita Pavlenko, Murod Rajabov, Muhammad Isaev, Azamat Isroilov, Azizbek Suyunov, Abduqahhor Hojiakbarov, Islombek Isoqjonov.

"Metallurg": Zafar Safaev, Hikmat Hoshimov, Vusol Magerramov, Murod Toshmatov, Dilmurod Karimov, Ayubxon Nomanov, Ergash Ismoilov, Javohir Esonqulov, Davron Karimqulov, Doniyor Odilov, Zohid Abdullaev.
Zaxiradan maydonga tushganlar: Mirg'iyos Sulaymonov, Jasur Ahmedov, Ulug'bek Xudoyberdiev, Farhod Namozov, Sunnat Ermatov, Ozod Komilov.

Uchrashuv yakunlangach, jamoamizda ko'rikda bo'lgan Mixail Naumovga javob berildi.