- “Dinamo” jamoasi Samarqandda hali mag'lub bo'lmayotganligini juda yaxshi bilardik. SHunga yarasha tayyorlandik. Bugun ikki jamoaga ham ozroq omad etishmadi. Ikki jamoa ham yaxshi o'yin namoyish etdi. Muxlislar jangovar bahs ko'rishdi. Do'stlik g'alaba qozondi, menimcha. Yutolmagan bo'lsak ham, durangdan xafa emasman. Sababi o'tgan 10 tur davomida bugungi Samarqandagidek o'yin bo'lmagandi. Yani, biz uchun bu yil eng qiziq bahs Samarqandda bo'ldi. Juda yuqori temp, kurashlar, hujumlar. Fikrimcha, muxlislar rohatlanishdi. “Dinamo” ham ajoyib o'yin namoyish etdi.
- “Qizilqum” g'alabali hisobni qo'ldan boy bergan bo'lsa-da, jamoa o'yinidan qoniqdingizmi?
- CHindanam, 2-2 natijaga qaramay, jamoam o'yinidan ham qoniqdim. Ochig'ini aytish kerak, bunaqangi hujumkor futbol yaqin orada bo'lmagandi. Ko'rdingiz – ikki tomonda ham so'nggi soniyalargacha navbatdagi gollarni urish uchun imkoniyatlar bo'ldi. Ikki jamoa ham hujumkor o'yin ko'rsatdi. “Dinamo” bilan bugungi o'yin “Qizilqum” uchun bu yilgi eng qiziqarli bahs bo'ldi, shubhasiz.
- Navoiydagi so'nggi turda jamoangiz “Surxon”ga mag'lub bo'lgach, o'yin davomida mahalliy muxlislar bosimiga duch kelganligini ko'rgandik. Jamoa bu bahsga qanday tiklana oldi?
- Bilasizmi, stadion tribunalarida har doim futbol ko'radigan ham, futbolni ko'ra olmaydigan ham keladi. SHu bois, har doim yigitlarimga uqtiramanki, tribunadagi hayqiriq va etirozlarga etibor qilmang deb. Tribunada bekorchi odam ko'p, qiladigan ishi yo'qlar pista chaqib, o'yin davomida futbolchini ham, murabbiyni ham so'kib o'tiradi, asabiyga o'ynaydi. Bundaylarga farqi yo'q, kim g'alaba qozonishini. Mana shunday muxlislar kamaysa futbolimiz yutadi. Bunday odamlar hamma shaharlarda futbolni orqaga tortadi. CHunki, bundaylar hamma joyda bor. Bu futbol – o'sha kuni omad “Surxon”ga kulib boqdi. Futbol o'zi shunaqa. Kim ham yutqazmaydi deysiz... Hattoki “Barselona” yutqazayapti 4-0 hisobida. SHu uchun futbol xalq o'yini. Bugun yomg'irga qaramay, Navoiydan kelib bizni qo'llab-quvvatlab turgan ishqibozlarga rahmat! Ular bizni o'yin bilan tabriklashdi. Haqiqiy muxlislar mana shunday bo'ladi! Agar yomonni yomon deyaversangiz hech qachon yaxshi bo'lib qolmaydi.
- Legioner hujumchi Smit Medina nega tarkibga kiritilmadi?
- Bilasizmi, bugungi o'yin uchun tarkibni shaxsan o'zim aniqladim, hech kim bilan maslahatlashmadim. Aytishim mumkinki, Samarqanddagidek o'yinga Medina umuman yordam bera olmasdi bizga.
- Erkin Boydullaevni ilk marta markaziy himoyada ko'rdik va u yaxshi o'yin namoyish etdi. Bu Navoiydagi mag'lubiyatdan keyin rotaciyamidi yoki majburiy tanlovmi?
- Bu klubning ichki siri degan bo'lardim. SHu sabab bu savolga aniq javob berishni istamasdim. SHunday qarorga kelgandim. Bitta narsa deyishim mumkin, jamoamizdagi barcha futbolchilar va yoshlardan Erkin Boydullaevdan o'rnak olishlarini so'rayman. Erkin 34 yoshga kirganiga qaramay, istalgan yosh futbolchilardan yaxshiroq o'ynamoqda. Uni himoyada qo'ysam ham, hujumga qo'ysam ham ko'rsatmani bajara oladi. Bunday universal futbolchi hamma ishni qila oladi. O'FAdagi test imtihonlarida ham 5 ta testdan 4 tasini alo darajada topshirdi. Istalgan yoshlardan ko'proq ishlayapti. Hamma tahlilchilar buni ko'rib turishibdi. Ammo negaldir, Erkin Boydullaevni O'zbekiston milliy terma jamoasiga chaqirishmaydi. Erkin istalgan nuqtada o'zini ko'rsata olgan bo'lardi.
Usmon IBODOV yozib oldi.
Bosh sahifaga
273