- Qarshida hech qachon oson bo'lmaydi. "Nasaf" bilan qiyin o'yinni o'tkazdik. Lekin biz doimo g'alabani ko'zlab kelamiz. Muhimi, ko'zlagan maqsadimizga erishdik. Xursandmiz. Bizga muxlislik qilgan ishqibozlarga rahmat. Terma jamoa? Ochig'i, bu mavzudagi savollardan charchaganman. Savol manzili boshqa joy.
Xudo xohlasa chempionat yakunida to'purarlar ro'yxatida boshchilik qilishga harakat qilaman. Muhimi bu emas, balki jamoam g'alabasi.
O'yindan avvalgi istefo, Babayanning kelishi haqidagi gap-so'zlar? Istalgan futbolchi murabbiyni mavsum davomida olib tashlashsa, unda hijolat his tuyg'usini sezadi. CHunki bizni deb murabbiylar ishdan ketishi mumkin. Natija uchun hech qachon futbolchilarni istefoga chiqarishmaydi. SHu boisdan ham barchamiz Andrey Fyodorov uchun harakat qildi. Bugun murabbiyimiz uchun o'ynadik. Babayan keladimi yoki yo'q, bilmadim. To'g'risi, buni bilmayman. Lekin "Lokomotiv"da hech kim Andrey Fyodorov ketishini istamaydi. Hech bir futbolchi mavsum davomida o'z murabbiyini ishsiz qoldirishni istamaydi. Ayb faqat murabbiyda bo'lmaydi, xatoni barcha qiladi. Lekin tayoq murabbiyning boshiga sinadi. Murabbiylik ishi shunday. Lekin biz jamoamiz va murabbiyimiz uchun o'ynashga harakat qilamiz.
OCHL guruh bosqichidagi muvaffaqiyatsizlik? Hammasini o'zimizga-o'zimiz qildik. Yutib turgan o'yinlarimizda mag'lubiyatga uchradik. Konsentraciyani yo'qotdikmi, yoki omadimiz kelmadimi, bilmadim. Lekin o'yin taraflama hech bir raqib bizni ochiqchasiga yutgani yo'q. Mazkur ishtirokimizni chuqur tahlil qilib chiqish lozim. Mavsum boshida jamoani bir qator etakchi, asosiy tarkib futbolchilari tark etgani ham tasir qildi. Yangi futbolchilarga ko'nikish uchun esa malum vaqt talab etiladi. SHunga qaramasdan harakat qildik. Balki kuchli legionerlar kerakdir. Arab jamoalarida hamma narsani kuchli legionerlar hal qiladi. Bizda esa barcha bir xil saviyada.
Bosh sahifaga
342